រថយន្តដឹកហ្គាសបើកបុករបាំងថ្មចែកផ្លូវបាក់អស់ជាង២០កង់នៅខណ្ឌចំការមន
18-July-2016 | ដោយ មែន កំសត់
ភ្នំពេញ៖គ្រោះថ្នាក់ចរាចរណ៍កើតឡើងបង្ក ពីរថយន្តដឹកហ្គាសអិលភីជី(GasLPG)ប្រភេទសណ្តោងមួយគ្រឿងសង្ស័យ អ្នកបើកបរងងុយដេកបានរ៉េចង្កូតទៅបុករបាំងថ្មចែកទ្រូងផ្លូវបាក់អស់ ជាង២០កង់។រថយន្តនៅមានល្បឿនបានជ្រុលទៅបុកក្បាលបូមទឹកដែលដាក់ តាមផ្លូវសម្រាប់រថយន្តពន្លត់អគ្គិភ័យថែមទៀតបណ្តាលឲ្យធ្លាយទឹកហូរ ពេញផ្លូវ។ហេតុការណ៍នេះបានកើតឡើងនៅតាមបណ្តោយផ្លូវមុនីវង្សក្បែរ ក្រុមហ៊ុនsmartស្ថិតក្នុងសង្កាត់ទន្លេបាសាក់ខណ្ឌចំការមនកាលពីយប់ រំលងអាធ្រាត្រចូលថ្ងៃទី១៨ ខែកក្កដា ឆ្នាំ២០១៦ ។
សាក្សីបាន ឲ្យដឹងថានៅមុនពេលកើតហេតុ គេឃើញរថយន្តដឹកហ្គាសមួយគ្រឿងក្បាលពណ៌បៃតង ពាក់ស្លាកលេខភ្នំពេញ 3D-2881 បើតាមបណ្តោយផ្លូវព្រះមុនីវង្ស ទិសពីជើងទៅត្បូង។លុះមកដល់ចំណុចកើតហេតុ ស្រាប់តែរថយន្តបាន រ៉េចង្កូតមកឆ្វេងដៃ ទៅបុករបាំងថ្មពុះចែកទ្រូង បណ្តាលឲ្យបាក់អស់ជាង២០កង់ ហើយរថយន្តមិនទាន់អស់ល្បឿនបន្តទៅបុក ក្បាលរ៉ូបីណេបូមទឹក សម្រាប់រថយន្តពន្លត់អគ្គីភ័យបណ្តាលឲ្យធ្លាយបាញ់ទឹកពេញផ្លូវនិង ជ្រុលទៅបុកផ្ទប់សួនផ្កាក្រុមហ៊ុនស៊ីណូ(SiNo)បណ្តាលឲ្យរថយន្តរង ការខូតខាត ទៅមុខលែងរួច។
បន្ទាប់មកអ្នកបើកបរបានរត់ចេញ ពីកន្លែងកើតហេតុបាត់ ដោយបន្សល់ទុករថយន្តតែប៉ុណ្ណោះ ។ ក្រោយមកសមត្ថកិច្ចបានទៅដល់ កន្លែងកើតហេតុនិងបានទាក់ទងទៅខាងអង្គភាពអគ្គិភ័យឲ្យបិទទឹកនិងខាង ជំនាញចរាចរណ៍ក្រុងមកវាស់វែងយករថយន្តទៅការិយាល័យចរាចរណ៍ផ្លូវគោក ដើម្បីធ្វើការដោះស្រាយ៕
ចំនួនអ្នកទស្សនា
- ថ្ងៃនេះ1851
- ម្សិលមិញ6261
- សប្តាហ៍នេះ20231
- ខែនេះ135381
- ឆ្នាំនេះ135381
- សរុប20577837